اعرف اكتر حاجة الناس بتدور عليها فى بلدك وتقدر تستفاد منها

من المهم انك تعرف بيحصل ايه فى بلدك او تعرف اكتر الحاجات اللى الناس كلها بتدور عليها علشان كده فيه خدمه بتوفرها جوجل تقدر من خلالها تعرف اكتر حاجات شاغلة كل الناس فى الوقت الحالى او من اسبوع او من شهر او من سنة بمعنى اكتر 

جوجل بتوضحلك اكتر الحاجات اللى كل الناس بتبحث عليها داخل محرك بحث جوجل 


علشان مطولش عليكم الموضوع ده شرح بسيط عن اكتر حاجة الناس بتدور عليها فى مواقع الانترنت حسب نسبة بحث جوجل نتابع الشرح

الاول بتدخل على موقع جوجل تراند trends 


من هنا: ---> رابط Google trends

وبعد الدخول على الموقع هيظهرلك بالشكل ده وهتلاقى كلمه فوق مكتوب عليها استكشاف المواضيع هتكتب فيها (اسم البلد او اسم بلدك) ودوس انتر من الكيبورد علشان يظهرلك كل المواضيع اللى بتخص بلدك كما فى الصورة 




وبعد كده هتظهرلك الصفحة دى هتعمل فلتر للبحث 
بمعنى اختار انتا عاوز تشوف الاخبار عن بلدك فى جميع انحاء العالم ولا فى بلدك بس واختار الفئة اللى انتا عاوزها سواء اخبار كورة اخبار فنانين ولو مش عاوز اى فلتر مفيش مشكلة 

شرح الفلتر كما فى الصورة التالية 
1- اخبار  بلدك فى العالم كله
2- مدة الخبر بمعنى لو عايز تعرف اخبار من اسبوع فات او من شهر فات او من 12 شهر فاتوا 
3- الفئة بمعنى هل اخبار رياضة - فن - اقتصاد - مال واعمال - تكنولوجيا اختار الفئة 
4- بحث الويب : المقصود بيه بحث بالصور او بحث بالكلمات فقط  انا افضل بحث بالويب علشان يظهر كل الاخبار الموجوده فى جوجل 


وهتنزل تحت على الشمال هتلاقى المكان ده زى الصورة واختار البلد اللى انتا عاوز تشوف اخبارها كلها ودوس على الاسم بتاعها
كما فى الصورة التالية

وبعدها هيظهرلك كل الاخبار المهمة والحصرية بشكل يومى او اسبوعى او شهر حسب مانتا اختارت
ده موضوع بسيط عن معرفة اخبار او الكلمات الاكثر تداولاً فى بلدك او المواضيع اللى بتبقى بين الناس واكتر حاجة الناس بتدور عليها فى جوجل خلال الفترة اللى فاتت الموضوع ده مهم لناس كتيرة 

لو عجبك الموضوع متنساش تسيب تعليق علشان نقيم الموضوع ونفيد بيه ناس كتيرة ويظهر فى محركات البحث جوجل وبينج
فى نهاية الموضوع شكرا ليكم وفى انتظار تعليقاتكم


ليست هناك تعليقات:

إرسال تعليق