من خلال البحث عن مواضيع كتيرة عن ارشفة مواضيع الموقع او مواضيع المدونة علشان تظهر فى جوجل بشكل سريع بمعنى انك اى موضوع تنزله على موقعك او منتداك او المدونة الخاص بيك ينزل على جوجل بشكل سريع وملحوظ وكمان تجيب زياراة بشكل طبيعيى وحقيقى
وهى بجذب انتباه محركات البحث لمواضيعك وزيادة عدد زيارات القناة والموقع والمنتدى بشكل سليم
علشان كده من خلال ما دورت وقدرت اوصل لمعلومات كتيرة من مواقع كبيرة جدا قدرت اوصل لمعلومة مهمة جدا وهيا ارشفة المواضيع من الويب ماستر وجلب محركات بحث جوجل للموضوع المستهدف
علشان مطولش عليكم ده شرح بالصور عن ازاى تجذب انتباه جوجل لمواضيعك ويتارشف بسرعة بشكل ملحوظ
وانا بستخدم الطريقة دى والمفضلة بالنسبالى
الاول قبل اى شئ بتدخل على الويب ماستر من الرابط ده وهو خاص بجوجل:
رابط webmasters ويب ماستر
وهتختار رابط موقعك من الويب ماستر كما فى الصورة
وتختار من القائمة اللى على اليمين كلمة الزحف ثم جلب مثل جوجل كما فى الصورة التالية
وبعد كده زى ما واضح فى الصورة هتظهرلك صفحة فيها رابط الموقع الخاص بيك وجنبه فراغ
هتروح لعنوان الموضوع اللى انتا عاوزه ينزل فى محرك بحث جوجل وتاخد عنوان الرابط او الكتابة الى بعد رابط موقعك بمعنى بعد الدومين بتاعك كما بالشكل
وبعد كده هتاخد الرابط وهتروح على الويب مساتر مرة اخرى وهتحط فى الفراغ هنا فى المربع ده بحيث يبقى رابط موقعك على الشمال وباقى رابط الموضوع على اليمين زى الصورة دى وبعد كده هتدوس على كلمة جلب
هيظر الرابط اللى انتا قدمته بالشكل ده وهتدوس على كلمة طلب الفهرسة علشان تقدم الطلب لجوجل وتجذب انتباه محركات البحث للموضوع بشكل سريع
هيظهرلك كابتشا علشان تتحق انك مش انسان ألى هتعلم على المربع لحد ما يظهر علامة صح وهتلاقى خيارات البحث كما فى الصورة التالية ركز فى النقطة دى لانها مهمة تابع الشرح
الاختيار الاول مكتوب فيه
الزحف على عنوان رابط الموضوع فقط:
وده انا بفضله علشان جوجل بيتجاهل الروابط اللى بتبقى موجوده داخل الموضوع او الصفة وبيقوم بفهرسة العناوين والنصوص الخاصة بالموضوع لان احنا عاوزين الموضوع يظهر فى اسرع وقت وانه يارشف كل النصوص اللى موجوده فى الموضوع
اما الاختيار التانى
الزحف على عنوان الموضوع والروابط المباشرة بداخل الموضوع:
المقصود بالخيار الثانى هو ان جوجل يبحث عن جميع الروابط الموجوده فى الموضوع سواء داخلية او خارجه ويفحص كل الروابط وبالنسبة لو عندك روابط خارجية انصح باستخدام خاصية no follow
علشان لو فيه روابط بتحطها فى موقعك بتوجه لمواقع خارجية علشان تتجنب اى مشاكل كبيرة فى المستقبل او ممكن تاخد حظر بسبب اى موقع خارجى
قم باختيار الاختيار المفضل لديك وثم اضغط على انتقال
وبكده يكون انتهينا من تقديم شرح جلب او جذب انتباه محركات بحث جوجل لمواضيعك بشكل سليم
كل ما عليك هو الانتظار ستظهر لك كلمة كما بالشكل تم طلب الفهرسة
واى موضوع يتأرشف هتجيلك كلمة تم فهرستة كما فى الصورة التالية وكلمة مكتمل
فى نهاية الموضوع
ده رابط ايضا هام لتقديم رابط الموضوع كامل لجوجل وبشكل أمن وسليم كل ما عليك هو اضافة رابط الموضوع وارساله الى محرك بحث جوجل والانتظار
رابط جوجل Search console
اتنمنى يكون الشرح عجبكم ومتنسوش تسيب اى كومنت لزياده جوده الموضوع وارشفته فى جوجل ليستفاد بيه الاخرين وشكرا على متابعتكم للموضوع
ليست هناك تعليقات:
إرسال تعليق