اكثر حاجة كنت بتخنق منها اثناء التصفح من الموبيل او من الكمبيوتر والاب
توب هيا سرعة البيانات كنت لما بستخدم فلاشة انترنت ديما مبتكملش عندى اسبوع او 5 ايام وفلاشة الانترنت بتخلص بسرعة
انهرضه انا لقيت حل سهل وبسيط وهيساعدكم ازاى تستخدم الانترنت بدون ما فلاشة USB تخلص منك
الموضوع مش سر ولا حاجة ولا برنامج هيا اضافة بسيطة بتستخدمها علشان تقلل من حجم البيانات اللى بتستخدمها ديما لما تتصل على اى شركة من شركات الاتصالات علشان تتابع معاهم ان فلاشة الانترنت خلصت بسرعة
ديما شركات الاتصالات يقولوا ان حضرتك استخدمت بيانات كتيرة اثناء التصفح
او حملت داتا كبيرة واتفرجت على يوتيوب كتير
علشان كده انا جبتلكم اضافة بسيطة من خلالها هتقلل حجم البيانات اللى بتستخدمها اثناء التصفح بمعنى ايه يعنى لو مثلا بتدخل على موقع مليان صور كتير واعلانات وحجم الموقع كبير جدا فى التحميل
كل الحاجات اللى موجوده فى الموقع ده بتاخد من سرعة الانترنت بتاعتك وبتاخد حجم بيانات كبير علشان الصفحة بتاعت الموقع تظهر بشكل سليم وهى بتحمل وانتا طبعا معتقد ان ده بسبب بطئ الانترنت
حضرتك لو استخدمت الاضافة اللى هقدمها دلوقتى هتقللك حجم البيانات بشكل ملحوظ جدا وبتسهل عليك التصفح علشان مطولش عليكم الموضوع دى اضافة اسمها Data saver تقدر تضيف الاضافة على متصفحك علشان تقلل من حجم البيانات بتاعت الانترنت
الاضافة دى لا غنا عنها انا استخدمها شخصياً لتوفير الانترنت برغم انى املك انترنت ارضى ولكن استخدمها فى الحفاظ على سرعة الانترنت اثناء التصفح اتمنا لكم التصفح بشكل سريع ومبسط وسهل مع هذة الاضافة الجميلة
تابع شرح تحميل الاضافة
رابط الاضافة Data Saver For Speed internet faster
الاول هتضغط على الرابط اللى حطيته وبعدها هتضغط على Add To Chrome كما بالصورة التاليه
وبعد كده هتضغط على Add extension كما بالصورة التالية لاضافة الاضافة على المتصفح بتاعك او جهازك
وبعدها هتلاقى الاضافة ظهرت كما بالشكل التالى
الان استمتع بالانترنت السريع والتصفح السريع اثناء استخدامك للانترنت بشكل سهل وبسيط مع هذة الاضافة الرائعة
ليست هناك تعليقات:
إرسال تعليق